Кыргызстандын мыкты ашпозчу жана ширетүүчү студенттери Францияда дүйнөлүк сынакка катышууда (видео)

Франциянын Лион шаарында өтүп жаткан WorldSkills кесиптик чеберчиликтердин 47-эл аралык чемпионатына кыргызстандык үч студент катышууда. Бул туурасында билим берүү жана илим министрлиги билдирди.

Маалымдалгандай, алар февраль айында биринчи жолу өткөрүлгөн WorldSkills Кыргызстан I улуттук чемпиондугунун жеңүүчүлөрү.

Алар:

Кара-Көл шаарындагы №89 кесиптик лицейинин студенти Аяна Абдиталипова (“Ашпозчулук иши” категориясы),
ОшМУнун индустриалдык-педагогикалык колледжинен Наргиза Жолдошбай кызы (“Ашпозчулук иши” категориясы),
Беловодск айылындагы №28 кесиптик лицейден Элдар Бакиров (“Ширетүү технологиясы” категориясы).

Кошумчалагандай, чемпиондуктун ачылыш аземи 10-сентябрда Франциянын президенти Эммануэл Макрондун катышуусунда өттү. Ага 70ке жакын өлкөдөн жана аймактардан келген 1400 катышуучу өз өнөрлөрүн көрсөтөт.