Бишкек-Ош унаа жолундагы тоннель жарыктандырылды

Бишкек-Ош унаа жолунун 455-чакырымындагы, Таш-Көмүр шаарына жакын жайгашкан төртүнчү тоннелге трансформатор орнотулду. Бул туурасында кечээ, 13-сентябрда Транспорт жана коммуникациялар министрлигинин маалымат кызматы билдирди.

Маалыматка ылайык, прожекторлор алмаштырылып, тоннелдин ичи жарыктандырылып, айдоочулардын жана жүргүнчүлөрдүн жүрүүсүнө ыңгайлуу шарттар түзүлгөн.

Жумуштар министрликке караштуу “Өндүрүш-инновациялык борбор” мамлекеттик мекемесинин кызматкерлери тарабынан жүргүзүлгөндүгү маалыматта кошумчаланган.

Автор: Замира Ниязбекова