Баткен облусунда бир канча жолдор оңдолууда. Тизме

Баткен облусунун аймагында бир нече ички жолдор оңдолууда. Бул тууралуу бүгүн, 18-сентябрда Транспорт министрлигинен билдиришти.

Төмөнкү жолдор оңдолууда:

- Кызыл-Бел-Достук унаа жолунда асфальт төшөө жумуштары жүрүүдө, бүгүнкү күндө 5 чакырымы басылды.

- Айгүл-Таш-Согмент-Таян жолунда жер иштери жүрүп жатат. 1,7 чакырым жол жаңыдан сайдан чыгарылып, салынды. Ал эми 1,5 чакырым жеринде кеңейтүү жумуштары жүрүүдө.

- Бужум-Баткен-Исфара жолунун 3-чакырымында жер жумуштары жыйынтыкталып, асфальт төшөө иштери башталууда.

Ошондой эле Сох-Кан-Зардалы жолунун 12-чакырымында көпүрө куруу жумуштары жүрүүдө. Ушул эле жолдун Зардалы айылына түшкөн Кашка-Суу тилкесинде кооптуу бурулушту жардырып, жол ачуу иштери аткарылып жатат.

- Самат-Замборуч-Жаркыштак автоунаа жолуна асфальт төшөлүүдө.

- Раззаков айланма жолунда асфальт төшөө жумуштары уланууда.

- Үч-Коргон-Чаувай автоунаа жолунда асфальт төшөө үчүн негизин даярдоо, жолду кеңейтүү жумуштары уланууда.