Бокс боюнча курама Кытайда өтө турган Эл аралык мелдешке катышат

Кыргызстандын бокс боюнча улуттук курама командасынын мүчөлөрү Кытайдын Үрүмчү шаарында өтө турган Эл аралык мелдешке катышат. Бул тууралуу бүгүн, 23-сентябрда Дене тарбия жана спорт департаментинен билдиришти.

Мелдештер 25-сентябрда башталып 10-октябрда жыйынтыкталат.

Курама команданын тизмеси:

Анвар Ходжиев - 48 килограмм;
Санжай Сейдакматов, Ислам Төрөбеков - 57 килограмм;
Мирзохид Имамназаров, Алмаз Орозбеков - 63,5 килограмм;
Сагын Сатыбалды уулу - 80 килограмм;
Бакыт Токтосун уулу - +92 килограмм.

"Курама команда башкы машыктыруучу Данияр Төлөгөн уулу жана машыктыруучу Темирлан Осмоновдун жетекчилиги алдында мелдешке катышат", - деп айтылат маалыматта.