Бишкекте 60 жылга жакын бирге түтүн булаткан жубайлар Бакыт өргөөсүндө өзгөчө майрам өткөрүштү

Бишкек шаарында эл аралык карылар күнүн белгилөөнүн алкагында, Бакыт өргөөсүндө бриллиант, изумруд жана алтын үйлөнүү тоюн белгилеп жаткан жубайлар мааракесин белгилешти. Бул туурасында кечээ, 25-сентябрда мэриядан кабарлашты.

Маалымдалгандай, Биринчи май районунда жашаган 14 жубай "Мендельсондун" үйлөнүү үлпөт маршынын коштоосунда мааракеде Ардак китебине кол коюшту.

Иш-чаранын алкагында “Шаттык” бий ансамбли жана балдар чыгармачылык борбору майрамдык маанай тартуулап, Эл артисти Бакыт Ыбыкеев өзүнүн репертуарындагы популярдуу ырларын аткарып берди.

Автор: Замира Ниязбекова