Баткендеги айдоочулардын жол талашы кырсыкка алып келди (видео)

Ош-Баткен-Раззаков унаа жолундагы жол кырсыгынан кийин качып кеткен айдоочу кармалды. Окуя 29-сентябрда орун алганын Баткен облусунун жол кыймылынын коопсуздугун камсыздоо кызматы билдирди.

Маалымдалгандай, Ош-Баткен-Раззаков унаа жолунун 182-чакырымында Кадамжай районунун тургуну Б.Бнын башкаруусундагы Мерседес-Бенц- Е260 үлгүсүндөгү унаасы карама-каршы тилкеге чыкканда Лексус-570 үлгүсүндөгү автоунаа оң капталын сүзгөн, ошол учурда рулга ээ боло албай ала салып жол кырсыгына учураган.

Окуя болгон жерден Лексус-570 үлгүсүндөгү автоунаа изин жашырып кеткен.

Учурда Лексус-570 үлгүсүндөгү автоунаа жана айдоочусу кармалып, унаасы айып короого киргизилип, айдоочу тергөө кызматына өткөрүлүп берилди.