Жылдын мыкты мугалими аныкталды

Бишкекте өтүп жаткан "Жылдын мыкты мугалими" кароо-сынагы жыйынтыкталды. Бул тууралуу бүгүн, 4-октябрда Билим берүү жана илим министрлиги кабарлады.

Маалыматка ылайык, аталган республикалык сынактын баш байгесин ОшМУнун “Билим” мектеп-лицейинин математика мугалими Назгүл Каныбекова жеңип алган.

Ал эми конкурстун жыйынтыгы менен төмөндөгү катышуучулар мыкты аталган:

Мыкты башталгыч класстардын мугалими - Гүлнур Балтабаева,

Мыкты кыргыз тили жана адабияты мугалими – Атыркүл Рыскелдиева,

Мыкты орус тили жана адабияты мугалими – Алмаз кызы Мээрим,

Мыкты математика мугалими – Бүбүайша Жумукова,

Мыкты тарых мугалими – Азирет Заидов,

Мыкты чет тил мугалими – Чолпон Калтаева,

Мыкты география мугалими – Нуристан Марат уулу,

Диндердин өнүгүү тарыхы сабагы боюнча мыкты мугалими – Сайрагүл Көчкөнбаева,

Мыкты көркөм-сүрөт искусствосу мугалими – Мирзат Байдалиев.

Белгилей кетсек, иш-чара Кара-Кыргыз автономиялуу облусунун түзүлгөндүгүнүн жана билим берүү системасынын 100 жылдык мааракесинин алкагында өткөрүлгөн. Ошондой эле буга чейин биринчи орунду алган мугалимге Бишкектен батир белекке берилери айтылган.

Автор: Бурул Турусбекова