Өзбекстан марбург ысытмасынан улам санитардык көзөмөлдү күчөттү

Өзбекстан мамлекеттик чек ара бекеттеринде иштеген санитардык көзөмөл пункттарында марбург ысытмасынын жайылышын алдын алуу үчүн көзөмөлдү күчөттү.

Өзбекстан дүйнөнүн көп өлкөлөрү менен бирге эпидемияны алдын алуу боюнча профилактикалык иш-чараларды күчөттү. Атап айтканда, төмөнкү чаралар көрүлүүдө:

- геморрагиялык ысытма менен ооругандарды өз убагында аныктоо жана аларды атайын бөлмөлөрдө изоляциялоо;

- медицина кызматкерлери ооруну жуктурган бейтаптар менен өз ара аракеттенүүдө стандарттык сактык чараларын сакташат жана инфекциянын жугуусун алдын алуу үчүн жеке коргонуу каражаттарын колдонушат;

- ооруну көзөмөлдөө үчүн инъекциянын коопсуз ыкмаларын колдонуу, жеке коргонуу каражаттарын туура колдонуу, медициналык аспаптарды дезинфекциялоо жана таштандыларды коопсуз жерге таштоо.

Ошондой эле комитет Өзбекстандын жарандары бул инфекциялык ооруга дуушар болбошу керектигин баса белгиледи.

Оорунун белгилери: катуу баш оору, ичтин оорушу жана мурундан жана ооздон кан агуу. Оорунун клиникалык көрүнүшү вирус жуккандан 2-21 күндөн кийин пайда болот.

Марбург ысытмасынын очоктору Түштүк, Батыш жана Борбордук Африка өлкөлөрү: Түштүк Африка, Габон, Судан, Конго, Либерия, Гвинея, Зимбабве, Кения.