Билим берүү министрлигинде мектептерде ысык тамак берүүнүн туруктуулугун камсыздоо маселелери талкууланды

Билим берүү жана илим министрлигинде “Билим үчүн азык жана балдардын тамактануусу MGD21 программасын ишке ашырууда мектептин тамактануусун жана 2024-2025-жылдарга стратегиялык пландаштырууну илгерилетүү үчүн өнөктөштүктү бекемдөө” темасында тегерек стол өттү. Бул туурасында мекеменин маалымат кызматы билдирди.

Маалымдалгандай, иш-чара мектептеги тамак-аш балдардын тамактануусунун сапатын жакшыртууга жана мектептерде билим алуу мүмкүнчүлүгүн жогорулатууга багытталган.

Катышуучулар чакан топторго бөлүшүп, мектептик тамактануунун туруктуулугу программасын толуктап иштеп чыгуу боюнча сунуштарын беришкендиги маалыматта кошумчаланган.

Иш-чарага Билим берүү жана илим министрлигинин, Саламаттык сактоо министрлигинин, райондук билим берүү бөлүмдөрүнүн өкүлдөрү, мектеп ашпозчулары, өнүктүрүү боюнча өнөктөштөр, ошондой эле Техас университетинин (АКШ) делегациясы катышышты.

Автор: Замира Ниязбекова