Бишкекте Муниципалдык инспекция жарнама кагаздарын туура эмес жерге чаптагандарга айып салууда

Бишкекте Муниципалдык инспекция жарандарга жана уюмдарга белгиленбеген жерлерге жарнама жарыяларын чаптагандарга айып салууда. Бул тууралуу бүгүн, 17-октябрда Бишкек мэриясынан билдиришти.

Маалымдалгандай, мындай тартип бузуулар аныкталган учурда тартип бузуучуларга Укук бузуулар жөнүндө кодексинин 3-беренесинин 107-бөлүгүнө ылайык айып пул салынат. Айып пулдун өлчөмү жеке жактар үчүн 1 000 сом жана юридикалык жактар үчүн 5 миң сом.

"Бишкек шаарынын аймагындагы маалыматтык, жарнамалык конструкцияларды жайгаштыруу эрежелерин жана имараттардын, курулмалардын фасаддарынын сырткы көрүнүшүнө карата талаптарды сактоону өтүнөбүз", - деп айтылат маалыматта.