Кара-Сууда 12 жаштагы бала инисин тир менен атып алды

Кара-Суу районундагы талаада агасы инисин кокусунан тир мылтыгы менен атып алды. БУл тууралуу Ош облустук ички иштер башкармалыгы кабарлады.

Окуя кечээ, 19-октябрь күнү Кара-Суу районунун Датка айылындагы талаада болгон. Анда милицияга 2018-жылы туулган П.С. аттуу бала денесинен жаракат алып, орууканага кайрылгандыгы тууралуу маалымат түшкөн.

Бул факты каттоого алынып, тергөөгө чейинки текшерүү иштери башталган. Текшерүүнүн жүрүшүндө аны агасы 2012-жылы туулган М. кокусунан тир мылтык менен инисинин ичине атып алгандыгы маалым болгон. Дарыгердин айтуусу боюнча баланын ички органдары жабыркаган эмес.

Автор: Азат Бейшенбеков