Судьялар кеңеши Жогорку соттун төрагалыгына Медербек Сатыевдин талапкерлигин сунуштады

Судьялар кеңеши Жогорку соттун төрагалыгына Медербек Сатыевдин талапкерлигин колдошту. Бул тууралуу бүгүн, 22-октябрда Жогорку соттон билдиришти.

Маалым болгондой, Судьялар кеңеши Жогорку соттун төрагалыгына Сатыев Медербек Асанбековичтин талапкерлигин бир добуштан колдошту.

Сатыев 50 жашта. Кыргыз улуттук университетинин юридикалык факультетин бүтүргөн.

2020-жылдын октябрь айында Кыргызстандын президентинин аппаратынын жетекчисинин биринчи орун басары болуп дайындалган. Кийинчерээк Сот департаментинин директору, ал эми ушул жылдын январынан тарта Жогорку соттун судьясы болгон.