Энергетика министри Чүй облусу күз-кыш мезгилине 95 пайыз даяр экендигин билдирди

Чүй облусу боюнча 735 трансформатор оңдолуп, 1770 даана темир бетон мамыча орнотулду. Бул туурасында Энергетика министрлиги билдирди.

Маалымдалгандай, учурда Чүй электр тармактар ишканасында келе жаткан күз-кыш мезгилине карата оңдоп-түзөө иштери 95 пайызга аяктаган.

“Кошумча 116 даана көмөкчордонду, 3902 даана трансформатордук көмөкчордонду, 9105 чакырым аба чубалгысын техникалык тейлөөдөн өткөрүштү.

Реконструкция иштеринин алкагында облус боюнча 3 даана кошумча трансформатордук көмөкчордон орнотулуп, 1770 даана жыгач мамылары темир бетон мамыларга алмаштырылып, 35 чакырым изоляцияланган СИП чубалгылары тартылып, 17 чакырым аба чубалгысы жаңы курулду”, - деп айтылат маалыматта.

Белгилей кетсек, Чүй электр тармактар ишканасы облус боюнча 297 миң 615 кардарды электр энергиясы менен камсыз кылат.

Автор: Замира Ниязбекова