Орусияда кыргызстандык белгилүү жазуучуну сабап өлтүрүүгө шектелип кармалды

Орусиянын Москва шаарында кыргызстандык 39 жаштагы жаран адам өлтүрүүгө шектелип кармалды. Бул тууралуу орусиянын басылмалары жазышты.

Андагы маалыматка караганда, мас абалдагы жаран 19-октябрда Москва шаарында жайгашкан турак үйгө мыйзамсыз кирип, үйдөгү 78 жаштагы аялга кол салган. Аялдын башына жана денесине бир нече жолу сокку урулган. Көп өтпөй жабырлануучу алган жараатынан улам шаардык ооруканалардын биринде каза болгон.

Укук коргоо органдары каза болгон аял 78 жаштагы жазуучу, Борис Щукин атындагы театралдык окуу жайдын мурдагы мугалими Раиса Кирсанова экенин такташкан.

"Борбор калаанын Тергөө комитетинин тергөөчүлөрү шектүү катары 1985-жылы туулган Кыргыз жаранын кармашты. Ал Орусиянын Кылмыш-жаза кодексинин 105-беренеси (Бейбаштыктан улам адам өлтүрүү) жана 139-беренесинин 2-бөлүгү (Турак жайдын кол тийбестигин бузуу) боюнча айыпталууда", - деп жазылат маалыматта.

Кылмыш ишинин жүрүшү жана жыйынтыгы Орусиянын Тергөө комитетинин борбордук аппараты тарабынан көзөмөлдөнүп жатканы маалым болду.

Автор: Бурул Турусбекова