Жумгалда жоголгон ата-бала Токтогулда изделип жатат

Нарын облусунун Жумгал районундагы Өрнөк айылында жоголгон ата-баланы издөө иштери бүгүн, 3-ноябрда таң эрте башталды. Бул тууралуу ӨКМ маалымдады.

Анда кабарлангандай, издөө иши Жумгалда жана Токтогул районунда жүрүүдө. Ага жалпы ӨКМден 34 куткаруучу, жергиликтүү тургундардан 20 адам жана 3 дрон тартылды.

Токтогул районунда куткаруучулар Толук айыл өкмөтү тарабын карашат.

Белгилей кетсек, 16-октябрда Жумгалдын Өрнөк айылында 49 жаштагы Болот Карыпбеков 9 жаштагы уулу менен мал кайтарганы кетип, дайынсыз жоголгон.

Алардын аты Көкөмерен дарыясынан табылып, кайтарып жаткан малы чачырап кеткени белгилүү болгон. Дайынсыз жоголгондорду издөө иштери 19-октябрда башталган.

Кошумча маалымат берилет.

Автор: Айжанар Рыспек кызы
Фото: ӨКМ