Жумгалда жоголгон ата-бала: Бүгүн дагы издөө иштери уланды

Бүгүн, 4-ноябрда Жумгалда жоголгон ата-баланы издөөгө 56 адам чыкты. Бул тууралуу ӨКМдин басма сөз кызматы кабарлады.

Маалыматка ылайык, Өзгөчө кырдаалдар министринин орун басары Урматбек Шамыркановдун жетекчилигинде жалпы 56 адам, 4 дрон тартылды.

Анын ичинен ӨКМден 26 куткаруучу 2 дрон, ИИМден 10 кызматкер 2 дрон жана жергиликтүү тургундардан 20 адам.

Белгилей кетсек, 16-октябрда Жумгалдын Өрнөк айылында 49 жаштагы Болот Карыпбеков 9 жаштагы уулу менен мал кайтарганы кетип, дайынсыз жоголгон.

Алардын аты Көкөмерен дарыясынан табылып, кайтарып жаткан малы чачырап кеткени белгилүү болгон. Дайынсыз жоголгондорду издөө иштери 19-октябрда башталган.

Автор: Бурул Турусбекова