Нарын дарыясына түшүп кеткен кызды издөө иштерине 44 адам тартылды

Нарын дарыясына секирип кетип, дайынсыз болуп жаткан өспүрүм кызды издөө иши кеч киргендигине байланыштуу убактылуу токтотулду. Бул тууралуу бүгүн,6-ноябрда Өзгөчө кырдаалдар министрлигинен билдирди.

Маалымдалгандай, ага ӨКМдин Нарын шаардык №16 өзгөчө кырдаалдар бөлүмүнөн 10 куткаруучу, Ак-Талаа райондук ӨКБдан 5 куткаруучу, ИИМден 22 кызматкер, жергиликтүү тургундардан 7 адам болуп, жалпы 44 адам тартылды.

ӨКМ издөө иштери эртең улантыларын кошумчалады.

Белгилей кетсек, Нарын шаарында 2-ноябрь күнү Жаңы-Жол тилкесиндеги көпүрөдөн 2007-жылы туулган Т.Э. аттуу өспүрүм кыз Нарын дарыясына секирип кеткендиги тууралуу маалымат түшкөн. Ошондон бери издөө уланууда.

Автор: Айпери Бакталбек кызы
Фото: ӨКМ