Бишкектеги айрым шайлоо тилкелери текшерилди

Бишкек шаарындагы айрым шайлоо тилкелери текшерилди. Бул тууралуу мэриянын маалымат кызматы кабарлады.

Маалыматка ылайык, Бишкек шаарынын мэринин биринчи орун басары Мирланбек Байгончоков Чыңгыз Айтматов проспектиси 27 дарегиндеги №1046, Жал кичи району 45 дарегиндеги № 1063 жана №1035, Жеңиштин 50 жылдыгы көчөсү 39а дареги боюнча Чоң-Арык МАБда уюштурулган №1053 жана 12-кичи району 23/1 дарегиндеги №1141 жана №1142 шайлоо тилкелерин текшерди.

"УШКларды материалдык-техникалык жактан камсыз кылуу, ошондой эле участкалык шайлоо комиссияларынын айланасында тазалыкты камсыздоо боюнча иштерди жүргүзүү тапшырылды" - деп билдирди мекеме.

Эске салсак, жергиликтүү кеңештердин депутаттарын шайлоо 17-ноябрга белгиленген.

Автор: Бурул Турусбекова