Легендарлуу португалиялык футболчу Эйсебио 71 жаш курагында көз жумду

Эйсебио белгилүү футболчулар Пеле (Бразилия), Герд Мюллер (Германия), Бобби Чарльтон (Англия) сыяктуу алптар менен замандаш. Бирок, аны ошолордун арасынан да айырмалап турган жогорку ылдамдыктагы оюну болгону анык.

Ошол кездеги Германия курама командасынын лидери Герд Мюллер менен.

Эйсебиону гол машинеси десек туура болот. Ал карьерасында 571 оюн өткөрүп, 585 гол киргизген. Анын ичинде Португалия курама командасы үчүн 64 оюнда 41 гол киргизген.

Кези келсе күчкө, кези келсе ыкмаларга таянган Португалия курама командасынын бир кездеги лидеринин оюну эч кимди кайдыгер калтырган эмес.

Футболчунун 60-жылдардагы зор ийгиликтери анын акыркы күнүнө чейин бааланып, ага түрдүү сыйлыктар тапшырылып келген.

Эйсебио акыркы күнүнө чейин футбол чөйрөсүнөн алыстаган жок. Аны Португалия курама командасынын оюндарында дайыма кезиктирүүгө мүмкүн болчу.

Легендарлуу португалиялык футболчу Эйсебио 71 жаш курагында көз жумду. Бул тууралуу бүгүн, 5-декабрда европалык басылмалар кабарлашты.

Маалыматка ылайык, португалиялык “Бенфика” клубунун жана Португалия курама командасынын экс-футболчусу 4-январдан 5-январга караган түнү жүрөк оорусунан улам каза тапты. Ал 25-январда 72 жашка толмок.

Эске салсак, Эйсебио профессионалдык карьерасын 15 жашында баштаган. Ал футболчулук карьерасында 11 ирет Португалиянын чемпиону аталган. 1966-жылы өткөн футбол боюнча Дүйнө чемпиондугунда ал 9 гол киргизип, Португалиянын курамында мелдештин коло медалына ээ болгон.

Автор: Максат Кудайбердиев

16:06 05-01-2014

Жазылуу

РУБРИКАДАГЫ СОҢКУ КАБАРЛАР

14:54 2025-05-02 | Спорт

Денис Петрашов АКШда өткөн мелдеште алтын медаль утуп, Кыргызстандын рекордун жаңылады 30 0

14:30 2025-05-02 | Коом жана турмуш

Кыргызстандык окуучулар Балкан математика олимпиадасында 5 медалга ээ болушту 117 0

13:58 2025-05-02 | Коом жана турмуш

Көк өрүктүн базарда каптарга салынып сатылып жаткан видеосу тарады (видео) 607 0

13:21 2025-05-02 | Түркүн дүйнө

Май айында беш күн магниттик бороон болору айтылды 545 0

12:47 2025-05-02 | Кылмыштар, кырсыктар

Бишкекте оюн-зоок унаасы менен самокат сүзүштү (фото) 515 0

12:01 2025-05-02 | Коом жана турмуш

Бишкекте түнкүсүн уйку бербеген мотоцикл, мопеддер айып короого токтотулуп жатат (видео) 485 0

Архив

Комментарийлер (3)

aziza.jusupova

2014-01-05 18:01:40

Jatkan jeri jayly bolsun topuragy torko b.n

zman53

2014-01-05 18:23:55

Африкадан чыккан биринчи мыкты футболисттердин бири болгон.Лиссабондун "Бенфика" командасында ойногон.Пеледен кийинки мыкты футболистердин бири.Кличкасы "Черная пантера".

Real_Madrid95

2014-01-05 18:41:54

Жаткан жери жайлуу болсун.

Комментарий калтыруу үчүн өз ысымыңыз менен кириңиз же каттоодон өтүңүз.