Казакстан инвесторлорду тартуу үчүн "Born Bold" акциясын баштады

Коңшу Казакстанда өлкөнүн экономикалык мүмкүнчүлүктөрүнө көңүл бурууну көздөгөн “Born Bold” акциясы башталды. Ал социалдык прогресс, инновациялар жана экономикалык өсүш сыяктуу өнүгүүнүн келечектүү багыттарына көңүл бурарын Boldkazakhstan билдирди.

Кампаниянын негизги максаты - экономиканын ар кандай секторлоруна, анын ичинде финансы, энергиянын кайра жаралуучу булактары, технология, жасалма интеллект жана туризмге түз чет элдик инвестицияларды тартуу. Бул ошондой эле мунай-газ секторунан көз карандылыкты азайтуу үчүн экономиканы диверсификациялоо үчүн жасалган кадам.

Кампания Казакстанды логистикалык, инфраструктуралык жана технологиялык долбоорлорду өнүктүрүүгө багытталган Европа менен Азияны байланыштырган стратегиялык борбор катары көрсөтөт.

Долбоордун демилгечилери өлкөнүн эл аралык кызматташууга даярдыгын баса белгилеп, инвесторлорду Казакстандын экономикалык потенциалын жана өнөктөштүк мүмкүнчүлүктөрүн изилдөөгө чакырышат.