Ош шаарындагы алтын күз сүрөтчүнүн көзү менен (сүрөттөр)

Күз – күндүн табы кайтып, жамгырлуу аба ырай, түнкүсүн аба салкын болуп калган убак. Айланадагы бак-дарактар күн өткөн сайын боёк дегендин түркүн түрүнө: мала сарыдан, чымкый сарыга, кызгылтымдан кара кочкулга өтүп боёло берет.

Дал ушул мезгилде Ош шаарын эки тарапка бөлүп тураган Ак-Буура дарыясы, эс алуучу жайлар бөтөнчө бир кооздукка бөлөнөт. Шаар ичин аралап эс алып жүргөн жаштар, жамгырдан кийинки таза аба алардын баары сүрөттөр менен берилген.

"Бир келип кетчи Ош жакка" демекчи, SUPER.KG порталы түркүн түскө боёлгон Ош шаарына чакырат.

Жаратылыштын кооздугун, шаардагы атмосфераны чагылдырган сүрөттөр Ош шаарынын мэриясынын маалымат кызматына таандык.

Автор: Замира Ниязбекова