Трамп барымтадагыларды бошотууну талап кылып, ал аткарылбаса Жакынкы Чыгышта "тозок" болорун убада кылды

АКШнын жаңы шайланган президенти Дональд Трамп инаугурацияга чейин (2025-жылдын 20-январы) Газа тилкесинде барымтага алынгандар бошотулбаса, Жакынкы Чыгышта "тозок" болорун убада кылды. Бул тууралуу ал өзүнүн Truth Social социалдык баракчасына жазды.

Ал ошондой эле "жооптуулар баарынан катуу жазаланат" деп коркутту.

"Эгерде (израилдик) барымтадагылар мен сыймыктануу менен Америка Кошмо Штаттарынын президентинин кызматына киришкен күнгө чейин бошотулбаса, анда адамзатка каршы мыкаачылык кылгандардын эсеби менен Жакынкы Чыгышта "бардык тозок" талкаланат. Жооптуу адамдар АКШнын узак жана даңктуу тарыхында баарынан көп азап тартышат”, - деп жазды Трамп.

Израил бийлигинин маалыматына караганда, 2024-жылдын 1-сентябрына карата ХАМАСтын туткунунда бардыгы болуп 101 адам, анын ичинде 35и каза тапкан деп эсептелет.

Трамп “тозокко” айландырууну убада кылган аймак бир жылдан бери гуманитардык катастрофаны башынан кечирүүдө. Өткөн жылдын 7-октябрынан бери Газада набыт болгон жайкын тургундардын саны 40 миңден ашты, 100 миңден ашуун адам жаракат алды. Адамдар түз аба соккуларынан гана эмес, суунун, тамак-аштын, дары-дармектин жетишсиздигинен да каза болуп, гуманитардык жүк ташыган унаалардын дөңгөлөктөрүнүн астында тыгында каза болушат.

Жакынкы Чыгыштагы жаңжал АКШнын кызматтан кетип жаткан президенти Жо Байдендин тышкы саясаттагы артыкчылыктарынын бири болгон. Associated Press агенттигинин билдирүүсүнө караганда, бир жылдын ичинде Кошмо Штаттар Израилге жардам көрсөтүүгө 17,9 миллиард доллар короткон. АКШ берген куралдардын көбү артиллериялык снаряддардан тарта, 2000 фунттук бункерди жаруучу ракеталардан жана так башкарылуучу бомбалардан турган.

Автор: Бек Оморбеков