Ошто 43 жаштагы жаран өзгөчө ири өлчөмдө алдамчылыкка шектелип кармалды

Ош облусунун аймагында ири суммада алдамчылык кылган деген шек менен 43 жаштагы жаран кармалды. Бул тууралуу облустук ички иштер башкармалыгы билдирди.

Маалыматка ылайык, 30-ноябрда милицияга Кара-Суу районунун 31 жаштагы тургуну арыз менен кайрылган. Ал 24-июль күнү тааныш болгон Ноокат районунун 43 жаштагы тургуну ишеничине кирип, малын 19 миллион сомдон ашык суммага баалашып алып, кийин убадалаган сумманы бербей кеткенин айткан.

Бул факты боюнча Кылмыш-жаза кодексинин 209-беренесинин (Алдамчылык) негизинде кылмыш иши козголгон. Шектүү делген 43 жаштагы жаран 7-декабрда кармалып, сот тарабынан камакка алынган.

Тергөөдө шектүүнүн үстүнөн ушундай эле мазмундагы арыз менен дагы 4 жаран кайрылган. Жабырлануучуларга келтирилген зыяндын болжолдуу суммасы 44 миллион сомдон ашык.

Учурда тергөө иштери уланууда.

Автор: Кылымбек Бейшеев
Фото: Ош ОИИБ