Садыр Жапаров унааларды милдеттүү түрдө техникалык кароодон өткөрүүнү киргизүү сунушуна каршы чыкты

Өлкө башчы Садыр Жапаров автоунааларды милдеттүү түрдө техникалык кароодон өткөрүүнү киргизүүгө каршы. Бул тууралуу бүгүн, 12-декабрда президенттин басма сөз катчысы Аскат Алагөзов социалдык тармактагы баракчасына жазды.

Ал мамлекет башчысы бул демилгени эмне себептен колдобой турганын тизмектеди.

"Учурда өлкөдөгү эски унаалардын саны азайган. Такси кызматын көрсөткөндөр унаалардын техникалык абалы жакшы болушуна биринчи кезекте өздөрү кызыкдар. Эң башкысы милдеттүү түрдө техникалык кароону киргизүү бул функцияны өзүнө алган органда коррупциялык тобокелдиктерге жол ачышы ыктымалдыгы жогору. Жогорудагыларды эске алуу менен президент Садыр Жапаров техкароону кайра киргизүүнү караган мыйзам долбоорун коомдук талкуудан алып коюу сунушун берди", - деп жазды Алагөзов.

Автор: Бек Оморбеков