Алыскы Алайку жолунда тазалоо иштери кызуу жүрүүдө

Ош облсунун Мырза-Аке–Кара-Кулжа–Алайку унаа жолун кардан тазалоо иштери кызуу жүрүүдө. Бул туурасында облус жетекчилигинин маалымат кызматы билдирди.

Маалымдалгандай, инерттик материалдарды чачуу иштери таңкы саат 05:00дөн баштап аткарыла баштаган.

"1 даана автогрейдер, 1 даана Т-150, 1 даана манипулятор, 1 даана самосвал исузу, 2 даана автожүктөгүч, 1 даана шлак жүктөгөн экскаватор, 9 жумушчу инерттик материалдарды чачуу иштерине тартылган", - деп айтылат маалыматта.

Белгилей кетсек, буга чейин Транспорт министрлиги өлкөнүн ашууларында каттам бар экендигин айтып, “Кыргызавтожол-Түштүк” жана "Кыргызавтожол-Түндүк” мамлекеттик ишканалары тарабынан инерттик материалдарды чачуу, тазалоо иштери үзгүлтүксүз жүргүзүп жаткандыгын билдирген. Ошондой эле Төө-Ашууда жүк ташуучу унааларга чектөө киргизилген.

Автор: Замира Ниязбекова