УКМК эл аралык мыйзамсыз миграция каналына бөгөт коюлганын билдирди

Өлкөдө 120дан ашуун Кыргызстандын жасалма электрондук визасы аныкталды. Бул туурасында УКМКнын маалымат борбору кабарлады.

Маалымдалгандай, миграциялык процесстерди оптималдаштыруу боюнча көрүлүп жаткан иш-чаралардын алкагында чет өлкөлүк жарандар тарабынан жасалма документтерди колдонуу фактылары көбөйүүдө.

Козголгон кылмыш ишинин алкагында Түштүк-Чыгыш Азия өлкөлөрүнүн биринин жарандары А.М. жана Б.Д. кармалган. Алар Бишкек жана Жалал-Абад шаарларында өздөрүн ишкер катары көрсөтүп, жасалма документтерди даярдоо жана сатуу каналын уюштурушкан.

УКМК чет өлкөлүк жарандарды учурдагы миграциялык мыйзамдарды так сактоого чакырат.

Автор: Замира Ниязбекова