ЖОЖдорго кышкы кабыл алуу графиги жарыяланды

Билим берүү жана илим министрлиги 2024-2025-окуу жылына карата кышкы кабыл алуунун алкагында абитуриенттерди тандоо жана кабыл алуу графигин бекитти.

Министрлик билдиргендей, абитуриенттер кышкы кабыл алууда акы төлөө келишиминин (контракт) негизинде гана окууга тапшыра алышат.

ЖРТнын жыйынтыгы боюнча кышкы кабыл алуу үчүн ЖОЖдордун жана багыттардын тизмеси сайтка жайгаштырылды. Ал эми чет өлкөлүк жарандарды Кыргызстандын ЖОЖдоруна кабыл алуу төмөнкү шилтеме аркылуу жүргүзүлөт.

Кышкы кабыл алуунун алкагында ЖРТнын жыйынтыктары боюнча конкурстук тандоо ушул жылдын 23-декабрында башталып, төрт турда өтөт. Турлардын графиги шилтемеде. 2024-жылы өткөрүлгөн ЖРТнын жыйынтыктары кышкы кабыл алуунун алкагында сынакка катышуу үчүн жарактуу.

Кышкы кабыл алуу учурунда кабыл алуу эрежелери жайкы кабыл алуу менен бирдей. Порталда абитуриенттин жеке кабинетин каттоо жана ачуу, ошондой эле конкурстук тандоого катышуу боюнча нускама жайгаштырылган.

Автор: Айжанар Рыспек кызы
Фото: интернеттен алынды