Ысык-Көлдөн суучулдар үч күндө дагы 5800 балык уулоочу тор чыгарышты (видео)

14-15-16-декабрь күндөрү ӨКМдин суучулдары Ысык-Көлдүн Түп районуна караган Күрмөнтү, Кутургу жана Кичи-Өрүктү айылдарынын аралыгында балык уулоочу торлордон тазалоо иштерин жүргүздү. Бул туурасында мекеменин маалымат кызматы билдирди.

Маалымдалгандай, суучулдар 3 күндүн ичинде 6800 га жакын жерди тазалашып, 5800 метр тор чыгарышкан. Жыл башынан бери көлдүн жалпы 401 миң 152 гектар жери тазаланып, 104 миң 200 метр балык уулоочу тор жок кылынды.

Белгилей кетсек, Ысык-Көл менен Соң-Көлдө балыкты тор менен көп өлчөмдө кармоого үч жылга чейин тыюу салынган. Президент Садыр Жапаровдун мораторий киргизүү жөнүндөгү жарлыгы чыккан.