ИИМдин бир катар тармагында кадрдык өзгөрүү орун алды

Министрлер кабинетинин жана Ички иштер министрлигинин буйругу пландуу ротацияга ылайык кадрдык өзгөрүүлөр жүргүзүлдү. Бул туурасында ИИМдин маалымат кызматы билдирди.

Маалымдалгандай, өзгөртүүлөр иштин натыйжалуулугун жогорулатууга багытталган.

Ага ылайык, 23-декабрдагы Министрлер кабинетинин төрагасынын буйругу менен ИИМ Академиясын башкарганы Азамат Ногойбаев барды.

Ал эми 23-декабрдагы Ички иштер министрлигинин буйругу менен:

- милициянын генерал-майору Тариель Абитов – ИИМдин Күзөт кызматынын башчысы кызматына дайындалды;

- милициянын полковниги Оролбек Акпаров – ИИМдин Кылмыш иликтөө башкы башкармалыгынын түштүк аймагы боюнча башчысынын орун басары кызматына дайындалды;

- милициянын полковниги Алмаз Осмонбеков – ИИМдин Ички иликтөө кызматынын башчысы кызматына дайындалды;

Ал эми милициянын полковниги Сапарбек Асаналиев Нарын ОИИБинин башчысы кызматынан ардактуу эс алууга узатылып, ордуна полковник Жолболду Көчкөнов дайындалды.

Автор: Замира Ниязбекова