ИИМ өзгөчө ири өлчөмдө алдамчылыкка шектелген жаранды кармады

Бишкекте өзгөчө ири өлчөмдө алдамчылыкка шектелген жаран кармалды. Бул туурасында ИИМдин маалымат кызматы билдирди.

Тергөөнүн маалыматы боюнча, 2021-жылы белгисиз жаран ишкердин ишенимине кирип, каржылык колдоо көрсөтүүчү уюмдарды табам деп убада берип, анын 0,90 гектар жер тилкесинде жайгашкан жерин менчиктеп алган. Ал жер тилкесинин баасы 4 миллион долларды түзөт. Учурда жерди курулуш компания менен алмашкандыгы туурасында маалыматтар такталууда.

Бул факт боюнча Кылмыш-жаза кодексинин 209-беренесинин 2-бөлүмү “Алдамчылык” менен кылмыш иши козголгон. Натыйжада шектүү катары 1978-жылы туулган Т.Т. аттуу жаран Казакстанга чыгып кетип жатканда кармалды.

Учурда тергөө иштери жүрүп, шектүү убактылуу кармоочу жайга киргизилди.

Автор: Замира Ниязбекова