Өлкөдөгү ашуулардагы абал жана чектөөлөр боюнча маалымат

Бүгүн, 10-январга караган түнү саат 00:10до "Сосновка" постунда (Төө-Ашуу) оор жүк ташуучу унааларга карата киргизилген убактылуу чектөө эртең менен саат 09:00дө алынды. Ал эми Бишкек-Ош унаа жолундагы "Арал" постундагы (Ала-Бел ашуусу) чектөө азырынча күчүндө. Бул туурасында Транспорт жана коммуникациялар министрлигинин маалымат кызматы билдирди.

Маалымдалгандай, инерттик материалдарды чачуу, тазалоо иштери үзгүлтүксүз уланууда.

Мындан тышкары Ысык-Көл облусунун Ак-Суу районундагы Каракол–Эңилчек унаа жолуна киргизилген убактылуу чектөө абал турукташкандыгына байланыштуу алынды.

Автор: Замира Ниязбекова