Кытайдын ЖОЖдоруна тапшыруу мөөнөтү узартылды

Кытай Эл Республикасынын жогорку окуу жайларына өтүүнү каалаган Кыргыз жарандары үчүн конкурстук тандоонун мөөнөтү узартылды.

Билим берүү жана илим министрлиги билдиргендей, талапкерлер тиешелүү документтерди 2-февралга чейин тапшырышы керек.

Стипендиялык программага катышуу маселелери боюнча маалыматтар иш күндөрү саат 15:00дөн 17:00гө чейин төмөнкү телефон аркылуу берилет: +996 (312) 621193.

Кабарлап кетсек, быйыл кыргызстандыктарга Кытайдагы жогорку кесиптик билим берүү уюмдарына окуу үчүн 17 орун мамлекеттик стипендия бөлүнгөн.

Толук маалымат шилтемеде.

Автор: Айжанар Рыспек кызы
Фото: интернеттен алынды