Кыргызстандык окуучулар эл аралык олимпиадада 11 медаль алышты

Казакстанда өткөн XXI эл аралык Жаутыков олимпиадасында математика, физика жана информатика боюнча кыргызстандык окуучулар 1 алтын, 4 күмүш жана 6 коло медаль алышты.

Билим берүү жана илим министрлиги билдиргендей, 13-17-январь күндөрү болгон олимпиадага Кыргызстандын атынан 4 команда катышты.

Медаль алган окуучулардын тизмеси:

Айдарбеков Алихан, 11-класс, Сейтек STEM мектеби – информатика боюнча алтын медаль;
Лебиев Абдульазиз, 11-класс, Сейтек STEM мектеби – информатика боюнча күмүш медаль;
Мананов Рамазан, 9-класс, Сейтек STEM мектеби – информатика боюнча күмүш медаль;
Садирбеков Санжар, 11-класс, “Сапат” ББМ – информатика боюнча коло медаль;
Карыпжанов Нурислам, 10-класс, “Сапат” ББМ – информатика боюнча коло медаль;
Джаникеев Саид, 9-класс, профессор А. Молдокулов атындагы МТУМЛ – информатика боюнча коло медаль;
Киргизбаев Назар, 11-класс, # 61 АФММЛ ОК – математика боюнча коло медаль.
Асанкадыров Айдин, 11-класс, # 61 АФММЛ ОК – математика боюнча коло медаль.
Эшперов Нурсултан, 11-класс, Газпром Кыргызстан мектеби – математика боюнча коло медаль.
Абдиев Аскар, 11-класс, профессор А. Молдокулов атындагы МТУМЛ – физика боюнча күмүш медаль.
Анаралы уулу Эмир, 12-класс, ЮВИС мектеби – физика боюнча күмүш медаль

Олимпиадага Казакстан, Кыргызстан, Өзбекстан, Түркмөнстан, Тажикстан, Орусия, Беларусь, Армения, Азербайжан, Түркия, Грузия, Болгария, Румыния, Сербия жана Монголиядан 700гө жакын катышуучу жана 150 мугалим катышты.