Бишкекте топ окуучулар бир баланы ур-токмокко алган. Милиция эмне дейт? (видео)

Социалдык баракчаларда мектептин топ окуучулары жалгыз баланы тепкилеп жаткан видео тарап, коомчулуктун кызуу талкуусуна калды. Тасмада окуя мектептин ажатканасында орун алганан байкоого болот.

Буллингге кабылган баланын окуясы Бишкек шаарындагы Арча-Бешик жаңы конушунда жайгашкан №93 орто мектепте катталган.

Ленин райондук ички иштер бөлүмүнүн маалымат кызматы, окуя боюнча укук коргоо кызматкерлери жеринде иш алып барып жатканан билдирди. Окуянын чоо-жайын тактоо жана мындай жагдайларды болтурбоо үчүн окуянын бардык катышуучулары ата-энелери менен биргеликте мектепке чакыртылган. Учурда түшүндүрүү иштери жүргүзүлүп жаткандыгы маалыматта кошумчаланган.