Орусиянын Усть-Луга айылында кафе өрттөнүп, кыргызстандыктар жабыркады

Орусиядагы Ленинград облусунун Усть-Луга айылында кафеден өрт чыгып, 5 кыргыз жараны ар түрдүү даражадагы күйүк алышты. Бул тууралуу ТИМден билдиришти.

Кабарга караганда, кырсык 16-февралда катталган. Ал эми 17-февралда 2 кыргыз жараны Ленинград облустук ооруканасына текшерүүгө жиберилген. 3 кыргыз жаранына Гатчинск ооруканасында биринчи медициналык жардам көрсөтүлүп, амбулатордук дарылоого чыгарылган.

Бул факты боюнча Орусиянын тергөө органы кылмыш ишин козгоду.

Министрлик аталган маселе Башкы консулдуктун көзөмөлүнө алынганын кошумчалады.

Автор: Айжанар Рыспек кызы
Фото: интернеттен алынды