"Аяр пайдалануу керек". Нарында жол тейлөө ишканаларына техникалар берилди

Бүгүн, 24-февралда президенттин Нарын облусундагы өкүлү Алтынбек Эргешов облустагы жол тейлөө ишканаларына атайын техникаларды тапшырды.

Өкүлчүлүктөн кабарлашкандай, өкмөттөн облустагы 9 жол тейлөө ишканаларына 73 даана техника бөлүнүп берилген. Алар:

9 даана автогрейдер, 9 даана 15 тонналык автосамосвал, 9 даана каток (тротуарный),
9 даана асфальт кескич (фреза), 9 даана таптагыч (ручной каток), 9 даана компрессор,
4 даана кран-манипулятор, 4 даана кум чачкыч жана алдыңкы калагы бар машина, 3 даана автомашина (дубль кабина), 1 даана автогудронатор (битум чачуу), 2 даана автопогрузчик, 1 даана МДК (кар тазалоочу техника), 1 даана асфальтоукладчик, 1 даана экскаватор, 1 даана асфальто-бетон заводу, 1 даана таш талкалоочу жабдуу.

Иш-чарада облус башчысы Эргешов жолчуларды куттуктап, техниканы өз кызыкчылыкка пайдаланып жибербей, аяр мамиле жасоо керектигин эскертти.

"Бул техника сиздердин ишиңиздерди тездетет жана жолдордун сапатын жакшыртууга чоң салым кошот деген ишеничтемин. Биздин эң негизги максатыбыз – жолдорду сапаттуу куруп, тургундарга ыңгайлуулукту камсыздоо. Техниканы өз кызыкчылыгыңыздарга пайдаланып жибербей, аяр пайдалануу керек. Жолдордун абалын, сапатын үзгүлтүксүз көзөмөлдөп турмакчыбыз", - деди ал.

Автор: Айжанар Рыспек кызы
Фото: Нарын облустук өкүлчүлүк