5-март – Ак калпак күнү. Бишкектеги автобустун айдоочуларынан өзгөчө куттуктоо (видео)

Бишкектеги коомдук транспорттун айдоочулары 5-март – Ак калпак жана улуттук кийимдер күнүн утурлай кыргызстандыктарга өзгөчө видео куттуктоо жолдошту.

Алар бири-бирине улуттук баш кийимин узатышып, кара жорго бийин бийлешкен. Тасмага башка улуттун өкүлдөрү да тартылган.

Белгилей кетсек, 5-март – Ак калпак күнү деп 2011-жылы жарыяланган. Бул күндү белгилөө демилгесин кинорежиссёр Рысбек Жабиров көтөрүп чыккан. Ал эми Кыргызстанда, чет өлкөдөгү мекендештер 2016-жылдан тарта расмий түрдө белгилеп келишет. Майрамды утурлай ак калпак кийген мырзалар жөө жүрүш жасап, ар кандай иш-чаралар уюштурулат.

Айта кетсек, 2019-жылы калпак жасоо өнөрү жана кийүү салты ЮНЕСКОнун материалдык эмес маданий мурастарды коргоо боюнча тизмесине Кыргызстандын атынан катталган.