Бишкекте аялдамаларды жууп-тазалоо иштери башталды (фото)

Борбор калаада “Тазалык” муниципалдык ишканасынын кызматкерлери жолдорду, жолдун жээгиндеги тосмолорду жана аялдамаларды жууп баштады.

Калаа мэриясы бүгүн, 10-мартка карата жууп-тазалоодон өткөн көчөлөрдү тизмектеди:

Октябрь районунун Абдрахманов көчөсүн бойлой Чүй проспектисинен Ахунбаев көчөсүнө чейин, Ахунбаев көчөсүн бойлой Манас проспектисинен 7-апрель көчөсүнө чейин;
Свердлов районунда Жибек-Жолу проспектисинде Абдрахманов көчөсүнөн Лермонтов көчөсүнө чейин;
Биринчи май жана Ленин райондорунда Манас проспектисин бойлой Жибек Жолу проспектисинен Ормон хандын эстелигине чейин (Ажыбек баатыр көчөсү) жууп-тазалоо иштери жүргүзүлдү.

Автор: Айжанар Рыспек кызы
Фото: Бишкек мэриясы