Бишкектин бир бөлүгүндө ичүүчү суу өчөт

Бишкек шаарындагы айрым көчөлөрдө 20-март күнү оңдоо иштерине байланыштуу ичүүчү суу убактылуу өчөт. Бул тууралуу калаа мэриясы кабарлады.

Маалыматка ылайык, саат 9:00дөн 24:00гө чейин турак үйлөрдө, мектептерде, бала бакчаларда, саламаттык сактоо объекттеринде жана башка социалдык-тиричилик багыттагы жана өнөр жай объекттеринде ичүүчү сууну берүү убактылуу токтотулат.

Суу өчүүчү аймактар:

• Темир жол тилкеси: М. Фрунзе көчөсү, Аламүдүн суусу, Панфилов көчөсү.
• Темир жол тилкеси: Матросов көчөсү, Горький көчөсү, Гвардейский көчөсү, Бектенов көчөсү, Скрябин көчөсү, Мавлянов көчөсү жана 7-Апрель көчөсү.

Автор: Бурул Турусбекова