Грузиянын камакта жаткан мурунку президенти дагы 4,5 жылга эркинен ажыратылды

Грузиянын соту өлкөнүн мурдагы президенти Михаил Саакашвилини 2021-жылы чек араны мыйзамсыз кесип өткөнү үчүн дагы 4,5 жылга эркинен ажыратты. Бул тууралуу чет элдик басылмалар жазышты.

Маалымдалгандай, соттун чечими менен Саакашвилинин жалпы абак мөөнөтү 2034-жылга чейин узартылганы белгиленген. Отурумга экс-президент өзү катышкан жок.

Белгилей кетсек, 12-мартта Тбилисинин соту Саакашвилини мамлекеттик каражатты мыйзамсыз пайдаланган деген айып менен 9 жылга эркинен ажыраткан. Ага чейин ал депутатты ур-токмокко алгандыгы, кылмышкерди актагандыгы үчүн 6 жылдык мөөнөтүн өтүп жаткандыгы айтылган.

Автор: Замира Ниязбекова