Түркияда Стамбулдун мэри кармалгандан кийин социалдык тармактар иштебей жатканы айтылды

Түркияда Стамбул шаарынын мэри Экрем Имамоглу кармалгандан кийин бир нече социалдык тармактарга кирүүгө чектөө коюлду. Бул тууралуу Түркиянын жергиликтүү басылмалары жазышты.

Маалыматка ылайык, X, Ютуб, Тик-Ток, Инстаграм өңдүү бир нече социалдык тармактарга кирүү чектелген.

"Түркия бир нече социалдык медиа платформаларына, анын ичинде X, Ютуб, Тик-Ток, Инстаграм сайттарына кирүү мүмкүнчүлүгүн чектеди. Бул Стамбулдун мэри Экрем Имамоглу жана башка ондогон адамдар кармалгандан кийин болду", - деп жазышты чет элдик басылмалар.

Белгилей кетсек, бүгүн, 19-мартта Түркиянын Укук коргоо кызматкерлери Стамбул шаарынын мэри Экрем Имамоглуну камакка алуу ордерин берген.

Автор: Бурул Турусбекова