Нигерде террорчулар мечитке келген 44 адамды өлтүрүштү

Африкадагы Нигер Республикасында террорчулар жума күнү мечитке келген 44 адамды өлтүрүштү. Бул тууралуу аталган өлкөнүн Ички иштер министрлиги билдирди.

Окуя Нигердин түштүк-батышындагы Фонбита айылында болгон.

"Алдын ала маалыматтар боюнча каза болгондордун саны 44 киши, алардын бардыгы карапайым адамдар. 13 адам жарадар болду", - деп жазылат анда.

Мындан улам Нигерде үч күндүк аза күтүү жарыяланды.

Колдо болгон маалыматтар боюнча, кылмышты Мали Республикасы менен чек арага жакын жерде диверсиялык иш-аракеттерди жүргүзгөн экстремисттик кыймылдын согушкерлери жасаган.

Автор: Азат Бейшенбеков