"Чексиз ыраазычылык!" Булчуң атрофиясы менен жабыркаган Байханга керектүү каражат чогулду

Булчуң атрофиясы (СМА 2) менен алышып жаткан Байхан аттуу наристеги керектүү каражат чогулуп бүттү. Бул тууралуу ага каражат чогултулуп жаткан социалдык тармактагы баракчага жарыяланды.

"Байханга каражат чогултуу жабылды. Кагылайын кыргыз элим, чексиз ыраазычылык", - деп жазылды анда.

Белгилей кетсек, жакында эле СМА оорусу менен алышып жаткан Хамза жана Аслан аттуу наристеге керектүү каражат чогулуп бүткөнү кабарланган.

Маалымат үчүн: СМАга каршы бир уколдун (Золгенсма) баасы 170 миллион сом турат.

Автор: Айжанар Рыспек кызы