Оштун мэри чуркап рейд өткөрүп жаткандыгы боюнча түшүндүрмө берди (видео)

Ош шаарынын мэри Жеңишбек Токторбаев Керме-Тоо муниципалдык аймактык башкармалыгындагы өткөргөн көчмө жыйынында таңкы рейддеги кызматкерлердин чуркаганы боюнча түшүндүрмө берди.

Шаар башчысы социалдык баракчалардагы сын көз караштарга чогуу туруштук берүүгө үндөп, кызматкерлердин эмнеге чуркагандыгына токтолду.

"Анча-мынча урушкандар болуп жатат. Чуркатып жатат дегендер да бар. Кызматкерлерди мен чуркагыла, турникке тартынгыла деп жаткан жокмун. Алар өздөрүнүн ден соолугу үчүн чуркап жатат. Азыр чуркап, иштеп алгыла деп жатам", - деди мэр.

Белгилей кетсек, буга чейин шаар башчысы тийиштүү кызматкерлер менен Кызыл-Кыштак айылдык аймактык башкармалыгындагы таңкы рейдди чуркап өткөргөн. Бул кадам социалдык баракчалардын колдонуучуларынын кызуу талкуусуна түшкөн.