Футбол: Кыргызстан учурдагы Азия чемпиону Катарды жеңди

Футбол боюнча Дүйнө чемпиондугунун алкагында Бишкекте өткөн Кыргызстан менен Катар курама командаларынын беттеши 3:1 эсебинде Кыргыз курамасынын пайдасында аяктады.

Кыргыз курамасынан голдорду команда капитаны Валерий Кичин менен коргоочу Александр Мищенко жана Алимардон Шүкүров киргизишти. Ал эми Катар курамасынан 12-номурдагы Лукас Мендес гол жаратып, көп өтпөй эле кызыл айып кагазын алып, оюндан четтеди.

Жыйынтыгында эсеп саны 3:1 болуп, Кыргыз курамасы тайпадагы кезектеги үч упайды алды.

Белгилей кетсек, Катар курамасы учурдагы Азия чемпиону.

Автор: Азат Бейшенбеков
Фото: Азат Бейшенбеков