Айыл чарба министрлиги чөп үрөндөрүн сатып алууга тендер жарыялады

Өлкөдөгү жайыттардын абалын жакшыртуу максатында жайыт чөптөрүнүн үрөндөрүн сатып алууга тендер жарыяланды. Бул тууралуу Айыл чарба министрлиги билдирди.

Маалыматка ылайык, тендер төрт түрдөгү көп жылдык жайыт чөптөрүнүн үрөндөрүн камтыйт.

Алар:

• Кылкансыз түбү бош (Кострец безостый, Bromus inermis) – жайыттар үчүн сапаттуу жана туруктуу чөп;

• Көп жылдык кара чөп (Райграс пастбищный, Lolium perenne) – мал жайганга ыңгайлуу жана тез өсүүчү өсүмдүк;

• Буудайык (Житняк, Agropyron) – кургакчылыкка чыдамдуу жана жайыттарды бекемдөөгө ылайыктуу;

• Көп жылдык эспарцет (Onobrychis) – жерди байытуучу жана малга пайдалуу тоют өсүмдүгү.

Аталган тендерге кызыккан компаниялар Мамлекеттик сатып алуулардын расмий порталы аркылуу тендердик лотко катышса болот. Талаптарга жооп берген бардык уюмдар катыша ала турганы белгиленди.

Автор: Бурул Турусбекова