Бали! Эрназар Акматалиев Азия чемпиону болду

Белгилүү балбан Эрназар Акматалиев Азия чемпиондугунда алтын медаль утту. Бул тууралуу Мамлекеттик дене тарбия жана спорт департаменти билдирди.

Спортчу мелдешке 70 килограммга чейинки салмакта катышкан.

Алгач 1/8 финалдык беттеште казакстандык, чейрек финалда өзбекстандык балбанды уткан. Жарым финалдык беттеште Жапониянын балбанын 8:8 эсебинде жеңип, финалга жолдомо алган.

Ал алтын медаль үчүн беттеште Тажикстандын балбанын жеңип, эркин күрөш боюнча Азия чемпиону аталды.

Белгилей кетсек, мелдеш Иорданиянын Амман шаарында өтүп жатат.

Автор: Айжанар Рыспек кызы