Трамп өзүнүн портрети түшүрүлгөн алтын картаны көрсөттү

АКШнын президенти Дональд Трамп чет элдик инвесторлорго 5 миллион долларга өлкө жарандыгын алууга мүмкүндүк бере турган алтын картанын дизайнын көрсөттү. Бул тууралуу "РИА новости" жазды.

Ал кечээ, 3-апрелде өзүнүн портрети түшүрүлгөн алтын түстөгү картаны журналисттерге президенттин учагында көрсөткөн.

"5 миллион долларга бул сеники болушу мүмкүн. Бул карта эмне экенин билесиңби? Бул Трамптын картасы ", - деген ал.

Ак үй башчысы алтын картаны эки жумага жетпеген убакытта сатып алууга болорун белгилеген.

Буга чейин февраль айында Трамп алтын карта программасын ишке киргизүү планын жарыялаган.

Автор: Кылымбек Бейшеев
Фото: Интернеттен алынды