Жолдор жабылат. Бишкекте веложүрүш уюштурулат

Бишкек шаарында 6-апрель күнү жазгы велосезондун ачылышы өтөт. Бул тууралуу борбор калаа мэриясы кабарлады.

Маалыматка ылайык, веложүрүш саат 10:00дө Д.Асанов атындагы Жеңиш паркында башталат. Каттоо ошол жерде 09:00дөн 10:00гө чейин жүргүзүлөт.

Ал эми финиш "Газпром-балдарга" дене тарбия – ден соолукту чыңдоо комплексинде болот. Бул жерде спорт сүйүүчүлөрүн көптөгөн кызыктуу оюн-зоок программалары күтөт. Жүрүштүн жалпы узундугу 5,5 чакырымды түзөт.

Иш-чарага байланыштуу аталган күнү Абсамат Масалиев проспектисинин Байтик баатыр көчөсүнөн Чортеков көчөсүнө чейинки түндүк тарабы убактылуу унаа кыймылы үчүн жабык болот.

Автор: Бурул Турусбекова