Өткөрүп жибербеңиз. Салык декларациясын 1-майга чейин тапшыруу керек

Салык кызматы 2024-жылдын жыйынтыгы боюнча бирдиктүү салык декларациясын 1-майга чейин тапшыруу керектигин эскертти.

Ага ылайык, бул аралыкта салык декларациясын тапшырууга төмөнкүлөр милдеттүү:

жеке ишкерлер;
патенттин негизинде же өзгөчө режимдеги соода аймагында иш жүргүзгөн жеке жактар;
чет мамлекеттин аймагында турган эл аралык уюмдарда, дипломатиялык жана консулдук мекемелерде иштеген Кыргыз жараны;
киреше салыгын кармоо милдеттенмеси пайда болбогон субъекттен салык салынуучу киреше алган жеке жактар.

Белгилей кетсек, 1-апрелде салык декларациясын кабыл алуу өнөктүгүнүн биринчи этабы аяктаган.

Толук маалыматты аймактык салык органдарынан, 116 номери аркылуу же Салык кызматынын www.sti.gov.kg расмий сайтынан алууга болот.

Автор: Айжанар Рыспек кызы
Фото: интернеттен алынды